上車第 2 步：搵樓 - 居屋、夾屋篇

我知道搵樓係一年好主觀嘅事，但總有好多客觀嘅事需要留意。

首先，樓可以分幾種：

1. 居屋、夾屋
2. 公屋
3. 私樓
4. 唐樓
5. 洋樓 ( 無會所無商場無停車場的單幢式大廈 )
6. 村屋
7. 豪宅、獨立屋

居屋、夾屋
首先講居屋同夾屋。

居屋，全名係居者有其屋計劃，係香港房屋委員會 1978 年開始推行嘅公共房屋計劃之一，以低於市價及扣除地價賣俾合符資格人士。居屋售價通常有兩個價：「綠表價」同埋「自由市場價」。

「綠表價」係指公屋住戶或「綠表資格證明書」持有人，樓價不包含地價，所以價錢會比「自由市場價」平 50 ~ 200 萬左右。「自由市場價」係指其他無公屋戶籍或綠表資格的人購買的價格，當中包含地價。

現時居屋價格直迫私樓價格，2015 年 7 月天水圍居屋天麗苑呎價更高達 $10,521，而且質素同地段都比私樓差，所以其實唔係好值。

居屋呎價趨勢

而夾屋 ( 全名係夾心階層住屋計劃 ) 同居屋好似，由香港房屋協會由 1995 ~ 2000 年期間推行嘅房屋計劃，俾 D 買唔起私樓又唔合乎買居屋嘅可憐蟲 (!!!) 買嘅樓。現時夾屋都係補左地價先可以賣，所以買家唔洗擔心自己要補地價。

夾屋質素比居屋好，通常都有會所、停車場、商場等配套。價錢一般都俾私樓平少少，值得考慮。

注意：夾屋、居屋都唔可以養寵物。

下一篇講公屋。