收樓前都可以好忙？

由於上手未補地價，成交期要三個月。正因為有三個月，資金周轉相對冇咁大壓力，可以慢慢賣其他資產（股票、基金等等）。呢三個月要做嘅野好多：

1. 準備錢（大訂、首期尾數、印花稅、經紀佣金同埋雜費）
2. 搵銀行做按揭、開銀行戶口、改出糧戶口
3. 搵律師（天呀，點解我唔係做律師... 幾份文件就收我幾千蚊）

搵按揭唔算好難，但係要走勻咁多間銀行去比較佢地個按揭優惠，真係用左唔少個 lunch time。比較左一輪，最後搵左渣打銀行做按揭，因為佢嘅優惠比較多（供樓利息咁多間都係一樣）。（p.s. 唔係賣廣告呀...）

做按揭要準備嘅文件好多，我地差 D 都準備唔齊。除左最基本嘅身份證副本，仲要以下文件：

1. 臨時買賣合約正副本
2. 三個月糧單正本
3. 現居地址証明
4. 稅單副本
5. 存摺近三個月副本（由於有 Net Back Items 呢樣可惡嘅發明，拖左成個星期先收到份副本...）

單單係申請 form 同埋 d 影印本加埋都有成過百頁 A4 紙（好唔環保呀...）。

由落訂到收樓呢三個月，感覺好漫長。剩係等個按揭完全批核都用左剛好兩個月。我地 5月20 提交申請，但 7月21 先收到確認。應該係渣打拖左我地好耐，等我地冇時間搵過第二間。

（未完待續⋯⋯）

我地仲有幾日就入伙喇！

今日係收樓第 61 日。回想起兩個月前收樓，時間過得真係好快。

呢兩個月由收樓到裝修，真係發生左好多事。喺未來呢幾個 posts，我地將會分享下呢兩個月發生過嘅事。

我地由 2015 年開始睇樓揀樓，好快就睇中左呢個單位，但個價錢一直都未到我地嘅目標價。
經過幾個月議價之後，終於喺五月頭同個賣家傾好左個價錢，以五百萬多少少買左荔景山頂一個 737 呎（實 582 呎，79%實用）嘅夾屋單位。屋苑樓齡 18 年，保養仲算好好（但肯定比唔上新樓）。而且方廳方房，廳房全海景，對於同期樓盤，五百萬真係唔算貴。

喺買樓之前，有一件事非常重要嘅就係計算好個壓力測試，要確保過到壓力測試先好買。上唔到會，被迫撻訂，大家都唔想。如果唔想計錯嘅話就叫銀行幫你計，但你首先要決定自己想俾幾多首期。銀行唔可以幫你決定俾幾多成首期。

計左一大輪之後，我地決定俾 2 成首期。（盡左力喇...）現今辣招推行下，用一個人名去供樓真係好難（除非你份人工真係超多），計哂之後，我地最後要用哂兩個人名去供樓先過到壓力測試。

（下篇繼續⋯⋯）