上車第 2 步：搵樓 - 公屋篇

公屋
係呢個世代，有間公屋好過有自己層樓。公屋雖然居住環境唔算最好，但租金夠平，絕對係安樂窩首選。你諗下，公屋租金九成低於 $2,500，市面上邊有樓可以租到？劏房都要 $4000 以上啦！政府仲當正班公屋住戶真係好窮，成日都免佢地租，一年又慳番幾千蚊。

每個月洗費慳唔少，難怪公屋停車場咁多名車，又法拉利，又波子。

福來邨法拉利...

但係，公屋真係好難申請。記得，十八歲就去房屋署入紙申請喇，千祈唔好猶豫。你驚入息審查？你輪得到公屋先諗啦，起碼都要輪十年。到時再辭工轉走自己 D 身家都未遲啦。

房屋署個制度真係好 PK，養左一堆公屋富戶。當你有左公屋之後入息過左公屋嘅限制，房屋署就會收你雙倍租金。點解唔趕走呢班富戶呢？$2,500 x 2 都係 $5,000，都平過哂全港所有租盤啦！

注意：公屋都係唔俾養寵物...

下一篇講私樓。